ரஜினி ஆடிய ருத்ர தாண்டவம்

சூப்பர் ஸ்டார் ரஜினிகாந்தின் அடுத்த படத்தை எதிர் பார்த்து அவரது ரசிகர்கள் தவமாய் தவமிருந்து கொண்டி ருக்க... கோச்சடையான் படத்தை வெளியிடும் வேலைகள் தீவிரமாக நடைபெற்று வருகின்றன. எந்திரனுக்குப் பிறகு திடீரென்று உடல்நிலை சரியில்லாமல் போனதால், கொஞ்சம் ஒதுங்கியிருந்த ரஜினி, புது தெம்புடன் நடித்திருக் கும் படம் இது. இதில், அவருக்கு ஜோடியாக பாலிவுட் நடிகை தீபிகா படுகோன் நடித்துள்ளார். ரஜினியின் மகள் சவுந்தர்யா படத்தை இயக்கியுள்ளார்.

பார்ப்பதற்கு அனிமேஷன் படம் போலவே இருந்தாலும், பெரும்பாலான காட்சிகளை ஒரிஜினலாகவே ஷூட் செய்திருக்கிறார்கள். குறிப்பாக, ரஜினியின் நடனம் மற்றும் சண்டைக் காட்சிகளில் அவரே சிரமப்பட்டு நடித்திருப்பதாக சொல்கிறார்கள்.

கோச்சடையானில் ரஜினி ஆடியுள்ள பரதநாட்டியம் பெரிதாக பேசப்படும் என்கிறார்கள். அந்த அளவுக்கு, சிவனின் ருத்ர தாண்டவம் போல ஆக்ரோஷமாக ஆடி அசத்தி இருக்கிறாராம் ரஜினி. அவரது இந்த நடனத்தை நேரில் பார்த்த யூனிட்டில் இருந்த அத்தனை பேரும் அசந்து போனார்களாம். படம் வெளியான பிறகு, இந்த அசத்தல் நடனத்துக்காகவே ரஜினிக்கு ஸ்பெஷல் பட்டம் கொடுக்கப் படலாம் என்கிறார்கள்.