இனி, பல் வலிக்காது; வந்தாச்சு லேசர் சிகிச்சை! டாக்டர் ஜி.திருப்பதி பேட்டி

பல் வலி பிரச்னைக்கு, வலியே இல்லாத லேசர் சிகிச்சை மிகுந்த பயனளிக் கும் என்று, பிரபல பல் டாக் டர் ஜி.திருப்பதி கூறினார்.
இதுபற்றி சேலையூர் ஸ்ரீ ராக வேந்திரர் பல் மருத்துவமனை டாக்டர் ஜி.திருப்பதி நமது நிருபருக்கு அளித்த சிறப்புப் பேட்டி:

பல் வலி ஏற்பட என்ன காரணம்?

பொதுவாக 2 காரணங் களால் பல் வலி ஏற்படுகிறது. ஒன்று, பல் சொத்தை. இரண்டு, பல் ஈறுகளில் ஏற் படும் பாதிப்பு. ஒருவரது பற்களில் சொத்தை ஏற்படப் போகிறது என்றால், அதற்கு அறிகுறியாக, சம்பந்தப்பட்ட பற்களில் கருப்பு நிறத்தில் புள்ளி போன்று காணப்படும். ஆரம்பத்தில் இதனால் பல் வலியோ, கூச்சமோ ஏற் படாது. போகப்போகத்தான் அந்த பாதிப்பை உணர முடி யும். ஆரம்பத்திலேயே பற் களில் ஏற்படும் கருப்பு நிற மாற்றத்தை அறிந்து, பல் மருத்துவரை அணுகினால், பல் சொத்தை ஏற்படுவதை தவிர்த்துவிடலாம். ஆனால், இன்றோ, பெரும்பாலானபேர் ஆரம்ப சிகிச்சைக்கு வராமல், பல் வலி அல்லது கூச்சம் வந்த பிறகுதான் பல் மருத்துவரை அணுகுகிறார்கள். இது தவறு.

பற்களின் ஆரோக்கியத்தை உறுதி செய்வது எப்படி?

பல் வலி அல்லது கூச்சம், இருக்கிறதோ இல்லையோ, வருடத்துக்கு ஒருமுறை அனைவரும் தங்களது பற் களை, தகுந்த பல் மருத்துவரை அணுகி சுத்தம் செய்து கொள்வது அவசியம். பலர், இப்படி வருடத்துக்கு ஒரு முறை பற்களை சுத்தம் செய்தால், பற்களின் எனாமல் தேய்ந்து போய்விடும் என்று நினைக்கிறார்கள். இது தவறு. நம் பற்களை ஆரோக்கியமாக வைத்திருக்க வேண்டும் என் றால், வருடத்துக்கு ஒருமுறை அதை சுத்தம் செய்தே ஆக வேண்டும். முக்கியமாக, சர்க் கரை நோய் உள்ளவர்கள் 6 மாதத்துக்கு ஒருமுறை பற் களை சுத்தம் செய்ய வேண் டும். இப்படிச் செய்வதால் பற் களில் படியும் அழுக்குகள் நீக்கப்பட்டு, பற்கள் ஆரோக் கியத்துடன் இருக்கும்.

பல் வலிக்கு உணவு பழக்க வழக்கம் எந்த வகையில் காரணமாக அமைகிறது?

பற்களின் பிரச்னைகளுக்கு முக்கிய காரணமே நம் உணவு பழக்கவழக்கம்தான். ஒட்டும் தன்மை உள்ள சாக்லெட், சுவிங்கம், பிஸ்கட், சாப்ட் கேக், அல்வா, பீட்சா, பர்கர் மற்றும் நொறுக்குத்தீனி வகை கள், நம் பற்களுக்கு அதிக அளவில் தீங்கு விளைவிக்கக் கூடியவை. இவற்றை சாப் பிட்ட 10 நிமிடத்துக்குள் பல் துலக்குவது அல்லது மவுத் வாஸ் செய்வது நல்லது. இது, முடியாதபட்சத்தில் நன்கு வாய் கொப்பளிக்க வேண்டும்.

பற்களுக்கு பாதுகாப்பான உணவு என்றால், எதை சொல் வீர்கள்?

அனைத்து வகை காய் கறிகள், பழங்கள் நம் பற் களுக்கு பாதுகாப்பானவை. தினமும் ஒரு ஆப்பிள் அல்லது ஆரஞ்சு சாப்பிடுவது நல்லது. இவற்றில் காணப்படும் வைட் டமின் சி, நம் பற்களுக்கு நல்லது. நெல்லிக்காயிலும் வைட்டமின் சி நிறைய உள்ளது. மீன், முட்டை ஆகிய வற்றில் காணப்படும் வைட் டமின் ஏ மற்றும் டி, கால்சியம், இரும்புச்சத்து ஆகியவையும் பற்களின் ஆரோக்கியத்துக்கு உதவும். தவிர, கேரட், எலு மிச்சை, பால், தயிர், மோர் ஆகியவையும் பற்களுக்கு நண்பர்களே!

அசைவ உணவுகள் பற் களுக்கு தீங்கு விளைவிக்குமா?

அசைவ உணவுகளால் பற்களுக்கு நிச்சயம் பாதிப்பு இல்லை. இவற்றில் ஒட்டும் தன்மை இருக்காது. அதனால், சிக்கன், மட்டன் உள்ளிட்ட அசைவ உணவுகளை தாராள மாக சாப்பிடலாம். அதே நேரத்தில், அளவோடு அவ ற்றை சாப்பிட வேண்டும். அசைவம் சாப்பிடும்போது, அந்த உணவுகளின் துகள்கள் பற்களுக்கு இடையில் சிக்கிக் கொள்ளும். அவற்றை சுத்தம் செய்ய சிறு குச்சி, பின் போன்றவற்றை பயன்படுத்தக் கூடாது. இப்படிச் செய்தால், பற்களுக்கு பாதிப்புதான் ஏற் படும். மெடிக்கல் கடைகளில் கிடைக்கும் இன்டெல் டென் டல் பிரஸ், டென்டல் ப்ளோஸ் ஆகியவற்றைக் கொண்டு அசைவ துகள்களை நீக்குவது நல்லது.

பல் சிகிச்சையில் பயன் படுத்தப்படும் லேசர் சிகிச்சை பற்றி...

பற்களுக்கான லேசர் சிகிச்சை முறை இந்தியாவுக்கு வந்து 8 ஆண்டுகள் ஆகிவிட் டாலும், சமீப காலத்தில்தான் பிரபலமடைந்துள்ளது. இந்த முறையில், பாதிக்கப்பட்ட பற்களில் ஊசி போடாமல் சிகிச்சை செய்ய முடியும். இத னால், வலி இருக்காது. பயப் படவும் அவசியம் இல்லை. குழந்தைகள் முதல் பெரியவர் கள் வரை, யார் வேண்டுமா னாலும் இந்த சிகிச்சை பெற முடியும். சிகிச்சைக்குப் பிறகும் வலி இருக்காது. சிகிச்சைக்குப் பிறகு எடுத்துக்கொள்ளும் மருந்து, மாத்திரைகளின் அள வும் குறைவாகவே இருக்கும். லேசர் சிகிச்சைக்கு அதிகம் செலவாகுமோ என்று யாரும் பயப்பட தேவையில்லை. எங்கள் மருத்துவமனையில், சாதாரண மக்களும் இந்த சிகிச்சையை எடுத்துக் கொள்ளும் அளவுக்கே கட்டணம் நிர்ணயிக்கப்பட்டு உள்ளது.

உங்கள் மருத்துவமனையின் சாதனையாக எதை கருது கிறீர்கள்?

ரூட் கேனல் என்கிற பற்களின் வேர் சிகிச்சையில் எங்கள் மருத்துவமனை சிறப்புப்பெற்று விளங்குகிறது. கடந்த 15 ஆண்டுகளில் 50 ஆயிரத்துக்கும் அதிகமான ரூட் கேனல் சிகிச்சையை வெற்றிக்கரமாக செய்து முடித் திருக்கிறோம். பல் துருத்தி இருத்தல் மற்றும் பல் ஒரே வரி சையில் சீராக இல்லாமல் இருத்தல் ஆகிய பிரச்னை களுக்கு அதிநவீன முறையில் 'கிளிப்' போடுகிறோம். குறை ந்த கட்டணத்தில் அளிக்கப் படும் இந்த சிகிச்சைகூட எங்களின் சாதனையே! லேசர் சிகிச்சையும் எங்கள் மருத்துவ மனையில் பிரபலம்.

இவ்வாறு பல் டாக்டர் ஜி.திருப்பதி கூறினார்.